February 14, 2013

ዑደት ክለብ ሂላል ካዱግሊ ሱዳን ኣብ ኤርትራ

ዑደት ክለብ ሂላል ካዱግሊ ሱዳን ኣብ ኤርትራ

   ዑደት ክለብ ሂላል ካዱግሊ ሱዳን ኣብ ኤርትራኣብ ላዕለዋይ ዲቪዝዮን ክለባት ኩዕሶ እግሪ ሱዳን እትወዳደር ክለብ ሂላል ካዱግሊ ኣብ ኣስመራ ተጠርኒፋ ንግጥማት ሊግ ሱዳን ዝሕግዛ ልምምድን ምሕዝነታዊ ግጥምን ከተካይድ ቀንያ።

እታ ናይጄርያውያንን ካሜሩናውያንን ተጻወትቲ እትሓቑፍ ኣብ ምዕራባዊት ከተማ ሱዳን ካዱግሊ ዝመደበራ ክለብ ብመሰረት ኣብ ሞንጎ ፈደረሽናት ኩዕሶ እግሪ ኤርትራን ሱዳንን ብዘሎ ክልተኣዊ ናይ ምትሕግጋዝ ዝምድና ነቲ ኣብ ግጥም ላዕለዋይ ዲቪዝዮን ክለባት ኩዕሶ እግሪ ሱዳን ዝጽበያ ውድድራት ብብቕዓት ንምድላው’ያ ኣብ መዕረፊ ሆስቴል ሃገራውያን ጋንታታት ኤርትራ ተጠርኒፋ ልምምድ ከተካይድ ቀንያ።

እታ ጋንታ ኣብ ናይ ኣስመራ ጻንሒታ ምስተን ንውድድራት ሊግ ኤርትራ ዝመርሓ ዘለዋ ጋንታታት ኣብ ዘካየደቶ ምሕዝነታዊ ግትም ንጋንታ ቀይሕ-ባሕሪ 1 ብ 0 ክትስዕራ እንከላ፣ ብሓሙስ 14 ለካቲት 2013 ኮሚሽነር ስፖርት ኤርትራ ሜጀር-ጀነራል ሮሞዳን ዑስማን ኣወልያይን ሓለፍቲ ኤምባሲ ሱዳን ኣብ ኤርትራ ኣብ ዝተረኽብሉ ምስ ክለብ ኣዱሊስ ኣብ ዘካየደቶ ግጥም ድማ 1 ብ 1 ተፈላልያ። ኣብ መዛዘሚ ዑደታ ድማ ሓለፍቲ ኮሚሽን ስፖርት ኤርትራን ሃገራዊ ፈደረሽን ኩዕሶ እግሪ ኤርትራን ኣብ ዝተረኽብሉ ናይ ድራር ዕድመ ክግበረላ እንከሎ ኣብ ኤርትራ ኣብ ዝጸንሓትሉ መዓልታት ንዝተገብረላ ምቕሉል ንግዶት ምስጋንኣ ኣብቲ ኣጋጣሚ ኣቕሪባ።

ህዝባዊ ርክባት
ኮሚሽን ስፖርት ኤርትራ

President Isaias departs for working visit to...

President Isaias holds talks with Vice Foreign...

President Isaias met and held talks with US...

Eritrean community festival in Riyadh

More diplomatic activities by Eritrean nationals...

مجلس الامن وارتريا ما أسباب فرض ورفع...