November 2, 2011

ኣብ መንጎ መንግስቲ ኤርትራን ኩባንያ ዕደና ዛራን ናብ ዕደና ዘሰጋግር ውዕል ተኸቲሙ።

ኣብ መንጎ መንግስቲ ኤርትራን ናይ ብርኪ ኩባንያ ዕደና ዛራን፣ ካብ ዳህሳስ ናብ ዕደና ዘሰጋግር ውዕል ብ1 ሕዳር ኣብ ኣዳራሽ ደንደን – ኣስመራ ተኸቲሙ።

ነቲ ውዕል፣ ብወገን መንግስቲ ኤርትራ ሚኒስተር ጸዓትንን ማዕድንን ኣቶ ኣሕመድ ሓጅ ዓሊ፣ ብወገን ኩባንያ ዕደና ዛራ ድማ ኣቦ-መንበር ቦርድ ዳይረክተራት ናይ’ቲ ኩባንያ ሚስተር ቲሞቲ ጎይደር ፈሪሞምዎ።

ሚኒስተር ኣሕመድ ሓጅ ዓሊ ኣብ ዘስምዖ ቃል፣ ኩባንያ ዕደና ቢሻ ናብ ናይ ምዕዳን ንጥፈታት ክሰጋገር እንከሎ፣ ኩባንያ ሳንሪጅ ኣብ መጽናዕቲ፣ ኩባንያ ሳውዝ ቦልደር ድማ ኣብ ምዝዛም ዳህሳስ ከምዝኣተዋ ጠቒሱ፣ እዚ ምስ ኩባንያ ዕደና ዛራ ዝተኸተመ ውዕል፣ ኣብ ጽላት ዕደና ኤርትራ ኣገዳሲ ምዃኑ ገሊጹ።

ኣቦ-መንበር ቦርድ ዳይረክተራት ኩባንያ ዕደና ዛራ ቲሞቲ ጎይደር ብወገኑ፣ ሳላ ደገፍ መንግስቲ ኤርትራ እቲ ኩባንያ ኣገዳሲ ስራሓት ምዕማሙ ጠቒሱ፣ ህንጻዊ ስራሓት ኣብ ቀዳሞት ሽድሽተ ኣዋርሕ ናይ 2012 ክሳለጥ ምዃኑ፣ ፍርያት ወርቂ ድማ ኣብ መወዳእታ 2013 ንምጅማር መደብ ከምዘሎ ኣብሪሁ።

ኩባንያ ዕደና ዛራ፣ ብሽርክነት ሃገራዊ ኮርፖረሽን ዕደና ኤርትራን ኣውስትራልያዊ ኩባንያ ዕደና ወርቂ ቻሊስን ይውነን።

***** ኣ.ዜ.ኤ *****

Joint Press Statement between Somalia and Eritrea

President Isaias departs for working visit to...

President Isaias holds talks with Vice Foreign...

President Isaias met and held talks with US...

Eritrean community festival in Riyadh

More diplomatic activities by Eritrean nationals...