May 30, 2011

ቤት-ትምህርቲ ነርስ ኣስመራ፣ ኣብ ምርግጋጽ ብቑዕ ኣገልግሎት ጥዕና ልዑል ተራ ከምእተጻወተት ተገሊጹ።

ቤት-ትምህርቲ ነርስ ኣስመራ፣ ኣብ ምርግጋጽ ብቑዕ ኣገልግሎት ጥዕና ልዑል ተራ ከምእተጻወተት ተገሊጹ።

ቤት-ትምህርቲ ነርስ ኣስመራ፣ ኣብ ዝሓለፈ ናይ ናጽነት ዓመታት ብቊዓት ሞያውያን ብምፍራይ፣ ኣብ ምርግጋጽ ምዕሩይን ዘተኣማምንን ኣገልግሎት ጥዕና ልዑል ተራ ከምእተጻወተት፣ ዳይረክተር’ታ ቤት-ትምህርቲ መምህር ተስፋይ ዋህድ ንኤሪና ሓቢሩ።

መምህር ተስፋይ ኣብ ሓበሬታኡ፣ ቤት-ትምህርቲ ነርስ ኣስመራ ኣብ ዝሓለፈ 20 ዓመታት ናጽነት መንግስቲ ምዕሩይ ኣገልግሎት ጥዕና ንምርግጋጽ ብዘካየዶ ጻዕሪን ወፍሪን፣ ልዕሊ 4 ሽሕን 200 ነርሳት ብዲፕሎማ ከተመርቕ እንከላ፣ ኣብ ዝመጽእ ወርሒ ሓምለ ድማ 100 ተማሃሮ ከተመርቕ ምዃና ኣብሪሁ።

“95 ሚእታዊት ናይ’ቲ ዝወሃብ ኣገልግሎት ጥዕና ብነርስ’ዩ ዝዕመም” ዝበለ መምህር ተስፋይ፣ ኣብ 1998ን 2005ን ኣብ ካሪክለም ብዝተገብረ ክለሳ፣ ነፍሲ-ወከፍ ነርስ ብዓውድታት ኮማዊ ነርስ፣ ስነ-ኣእምሮኣዊ ነርስ፣ መወልዳን ነርስን ብናይ ውሽጢ ሆስፒታል ነርስን ብምስልጣኑ፣ ንሕቶታት ህዝቢ ብዝግባእ ኣብ ምምላስ ይዋስኡ ከምዘለው ኣረዲኡ።

ብቚዓት ነርሳት ንምፍራይ፣ ዓቕሚ መምህራን ክብ ንምባል ብዝተኻየደ ሓያል ስራሕ፣ 75 ሚእታዊት መምህራን ናብ ቀዳማይ ዲግሪ፣ 25 ሚእታዊት ድማ ናብ ማስተርስ ከምእተሰጋገሩ ድማ መምህር ተስፋይ ኣፍሊጡ።

ካብ ሓፈሻዊ ቊጽሪ ነርሳት ሚኒስትሪ ጥዕና እቲ 54 ሚእታዊት ድሕሪ ናጽነት ከምዝፈረየ ዝሓበረ መምህር ተስፋይ፣ ኣብያተ-ትምህርቲ ተሓጋገዝቲ ነርስ ጊንዳዕ፣ መንደፈራን ባረንቱን ዓመታዊ ካብ 100 ክሳብ 300 ሞያውያን ብደረጃ ሰርተፊኬት እናፍረያ፣ ዕዙዝ ኣበርክቶ ይገብራ ከምዘለዋ ኣነጺሩ።

****** ኣ.ዜ.ኤ.******

32nd anniversary of Nadew Command’s demise

U.S. on Conclusion of Safeguards Agreements and of...

Ministry of Health: Additional Public Announcement...

Ministry of Health

Ministry of Health: Timely Public Announcement

Eritrea’s Statement at the Security Council’s...