June 21, 2013

ቃል ፕረዚደንት

ቃል ፕረዚደንት

ቃል ፕረዚደንት

ሰላምታን ክብርን ነቶም ንህላወ ሓራን ሉኣላዊትን ሃገር ሂወቶም በጅዮም ክውን ዝገበሩ ጀጋኑ ሰማእታት።

ህዝቢ ኤርትራ ኣብ ውሽጥን ወጻእን ብቕንያቱ ነዛ ዕዝዝቲ ዕለት ኣማዕሪጉ ንዝኽርን ክብርን ሰማእታቱ ዝወደቦ ዝተፈላለየ መሰናድኦታት ጉዕዞ፡ ምብራህ ጥዋፍ፡ ብዜና ዝፍኖ ረዚን ትርጉምን መልእኽታትን ዝሓቖፈ መደባት፡ ገላጺ ዘይደሊ መግለጺ እዩ’ሞ፡ ስለ’ቲ እናሓደሰ ዝሕይልን ዘሐይልን መብጽዓ ምስጋና።

ኣብ’ዚ ዕዙዝ ኣጋጣሚ ሓቢሮምና ክሳተፉ፡ ኣብ መንጎና ንዝርከቡ ኣዕሩኽትና ሩዋንዳውያን “እንቋዕ ደሓን መጻእኩም” እናበልኩ፡ ነቲ መዳርግቲ ዘይብሉ ህልቂት ሰጊሩ፡ ሃገሩ ዝሃንጽ ዘሎ ህዝቢ ሩዋንዳ ሰናይ ምንዮት። ከም’ቲ ኣብ መኸተ ኣንጻር በደልቲ ዘርኣናዮ ኣብነታዊ ምሕዝነት፡ ኣብ መጻኢ ጉዕዞ ህንጸት’ውን፡ መንግስትን ህዝብን ኤርትራ፡ ኣብ መብጽዓ ከም ዘለዉ ደጊመ አረጋግጽ።

ሰማእታትና ኣብ ልዕሊ’ቲ ክቡር ሂወቶም ሰዊኦም ክውን ዝገበሩዎ ብጹእ ዕላማ፡ ብኣብነታውነቶም ዘውረሱና ኒሕን ጽንዓትን ዉፉይነትን፡ ኣብ ዝሓለፈ ዓመታት ህንጸት ሃገር ክሳብ ክንደይ ብድሆታት መኪትና፡ ዘድምዑ ልምዓታዊ መደባትና ከነሰላስል ከምዘኽኣለና ዝዝንጋዕ ኣይኰነን።

ዘይከኣል የለን፡ ዘይጽወር የለን፡ ዘይሕለፍ የለን ክንብል እንደፍር፡ ሰማእታትና ዘይከኣል ዝመስል ስለ ዝኸኣሉ፡ ዘይጽወር ዝመስል ስለ ዝጸወሩ፡ ዘይሕለፍ ዝመስል ሰጊሮም ብተጨባጢ ኣብነት ስለ ዝመሃሩና’ዩ።

ሰማእታትና ብኣማን ከነኽብር፡ ኪኖ ዝኽሮም ምምዕራግ፡ ነታ ብረሃጾምን ደሞምን ዘርወይዋ መሬት ከነልምዕን ክንሃንጽን ካብ’ቲ ኣብ’ተን ዝሓለፋ 22 ዓመታት ብግብሪ ዘመስከርናዮ፡ ዝሓየለ ኒሕን ጽንዓትን ውፉይነትን ሰሪሕናን ኣፍሪናን ንሰማእታትና ኣገናዕ ንበል።

ጀጋኑ ሰማእታትና ይተሓበኑ!
ዓወት ንሓፋሽ

العمل المتواصل – تعزيز للروح المعنوية نحو...

Commemoration of Operation Fenkil concludes

Commemoration of Operation Fenkil Opens

Dutch action is unwarranted and unacceptable

Interview: President Isaias on domestic issues

وزير الإعلام الإرترى يمانى جبرميسكل لـ...