August 11, 2011

ሰራሕተኛታት፣ ንተገልጋላይ ብፍሕሽው ኣቀባብላን ጽፉፍ ኣገባብን ከአንግዱ መተሓሳሰቢ ቀሪቡ።

ሰራሕተኛታት፣ ንተገልጋላይ ብፍሕሽው ኣቀባብላን ጽፉፍ ኣገባብን ከአንግዱ መተሓሳሰቢ ቀሪቡ።

ሰራሕተኛታት፣ ንተገልጋላይ ብፍሕሹው ኣቀባብላን ጽፉፍ ኣሰራርሓን ከአንግዱ፣ ምምሕዳር ንኡስ ዞባ ዓዲ-ቐይሕ ምስ መሻርኽቱ ብምትሕብባር ንሰራተኛታት ትካላት ወሃብቲ ኣገልግሎት ኣብ ዝሃቦ ስልጠና መተሓሳሰቢ ቀሪቡ።

ነቲ ኣብ ኣወሃህባ ስሉጥን ጽፉፍን ኣገልግሎትን ምሕደራን ዝምልከት ኣስተምህሮ ዝሃበ መምህር ኣማኒኤል ኣርኣያ፣ ሓደ ትካል ንተገልገልቲ ዘዕግብ ኣገልግሎት ምስ ዘቕርብ፣ ጽቡቕ ስምን ብዝሒ ዓማዊልን ከምዝህልዎ ጠቒሱ፣ ኣታዊታቱን ተወዳዳርነቱ እናዓበየ ከምዝኸይድ ኣብሪሁ።

ኣስዒቡ መምህር ኣማኒኤል፣ ሓደ ሰራሕተኛ ትሕትና ዝመልኦ ስሉጥ ኣገልግሎት ከቕርብን ኣብ ስራሕ ንግዜ ብግቡእ ክጥቀመሉን መሰረታዊ መትከል ከምዝኾነ ኣስሚሩሉ።

ኣመሓዳሪ ንኡስ ዞባ ዓዲ-ቐይሕ ኣቶ መሓመድ ሓምድ ኣብ ዘስመዖ ቃል፣ ሰራሕተኛታት ድልየት ተገልጋሊ ብጽሞና ሰሚዖም ግቡእ ምላሽ ክህቡ ሓላፍነቶም ምዃኑ ጠቒሱ፣ ሰልጠንቲ ንዝተማህርዎ ኣብ ግብሪ ከውዕሉ ተማሕጺኑ።

ተሳተፍቲ ብወገኖም፣ ዝተዋህቦም ስልጠና ጽፉፍን ስሉጥን ኣገልግሎት ንህዝቢ ኣብ ምሃብ ከምዝሕግዞም ዘለዎም እምነት ብምግላጽ፣ ቀጻልነት ክህልዎ ተላብዮም።

***** ኣ.ዜ.ኤ *****

President Isaias returned home concluding working...

President Isaias held talks with President Al Sisi

President Isaias Afwerki on working visit to Egypt

President Isaias Afwerki returned home concluding...

President Isaias arrives in Khartoum

Eritrean nationals commemorate Martyrs Day