January 29, 2013

ሕወሓት የመሰንጠቅ አደጋ ተጋረጠበት

ሕወሓት የመሰንጠቅ
አደጋ ተጋረጠበት

ሕወሓት የመሰንጠቅ አደጋ ተጋረጠበትአውራምባ ታይምስ (አዲስ አበባ) – በኢትዮጵያ ህዝቦች አብዮታዊ ዴሞክራሲያዊ ግንባር (ኢህአዴግ) ውስጥ ወሳኝ ድርሻ ያለው ሕዝባዊ ወያኔ ሓርነት ትግራይ (ህወሓት) ከአስራ አንድ አመት በፊት ያጋጠመው አይነት የመሰንጠቅ አደጋ ሰሞኑን እንደተጋረጠበት የአውራምባ ታይምስ ምንጮች ከአዲስ አበባ ገለጹ፡፡ ከአቶ መለስ ዜናዊ ህልፈት በኋላ በድርጅቱ አንጋፋ ታጋዮችና በብአዴን አመራሮች መካከል የተፈጠረው አለመግባባት ከጊዜ ወደጊዜ እየሰፋ በመሄዱ አሁን ከፍተኛ ደረጃ ላይ መድረሱን የገለጹት የአውራምባ ታይምስ ምንጮች በህወሓት ውስጥ አንጋፋ የድርጅት አባላትን የሚያወግዝ ቡድን በአዲስ አበባና በመቀሌ ለሚገኙ የህወሓት አባላት ደብዳቤ ማሰራጨቱን መረጃዎቹ ጠቁመዋል፡፡

ይህ ለአባላት የተበተነውና በትግርኛ ቋንቋ የተጻፈው በራሪ ወረቀት አባይ ጸሐዬ፣ ስዩም መስፍን፣ ጸጋይ በርሄና ሌሎች የህወሓት አንጋፋ አባላትን ተጠያቂ ከማድረጉም በላይ የህወሓት ህልውና አደጋ ላይ መውደቁን ያትታል፡፡ ‹‹መለስ ህወሓትንም ጭምር ገድሎ ነው የሞተው›› የሚል አመለካከት እንዳላቸው የሚነገርላቸውና በድርጅቱ አባላት ዘንድም እስካሁን ከፍተኛ ተቀባይነት ያላቸው አንጋፋው ታጋይ ስብሀት ነጋን የሚኮንነው ይህ ደብዳቤ ማን እንዳዘጋጀው እስካሁን የታወቀ ነገር ባይኖርም እነዚህ የአውራምባ ምንጮች እንደሚጠቁሙት ከዚህ ደብዳቤ ጀርባ ወጣት የህወሓት አመራሮችና አቶ በረከት ስምኦንን የመሳሰሉ የብአዴን አባላት ሊኖሩ እንደሚችሉ ግምታቸውን ሰጥተዋል፡፡ ቀደም ሲል በድርጅቱ ውስጥ ይህ አይነቱ አደጋ ሲያጋጥም አቶ መለስ በክራይሲስ ማኔጅመንት ክህሎታቸው እንደተወጡት የሚገልጹት ተንታኞች ዛሬ አቶ መለስ በሌሉበት ሁኔታ ግን መጨረሻው ምን ሊሆን እንደሚችል ስጋታቸውን በመግለጽ ላይ ናቸው፡፡

ዝርዝር መረጃውን እንደደረሰን እናቀርባለን

Funeral service of veteran fighters Brig. Gen....

National Council of Eritrean Americans (NCEA)...

Eritrean Sensation Aron Kifle and Awet Habte...

Eritrean Community festival in Eastern Canada

Diaspora News – Global compact for safe,...

Campaign to make Westerners aware of Ethiopia’s...